म सेवक भएर काम गर्छु : मुख्यमन्त्री रावल
काठमाडौं । सुदूरपश्चिम प्रदेशका मुख्यमन्त्री राजेन्द्रसिंह रावलले सुदूरको पीडा राष्ट्रियस्तरमा जोडिन नसकेको गुनासो पोखेका छन् । आज (सोमबार) रिपोर्टर्स क्लब नेपालले आयोजना गरेको बधाई तथा सम्मान कार्यक्रमलाई सम्बोधन गर्दै उनले यस्तो टिप्पणी गरेका हुन् । उनलाई क्लबका सभापति एवं प्राइम टाइम्स् टेलिभिजनका अध्यक्ष ऋषि धमलाले खादा ओढाएर सम्मान गर्दै सफल कार्यकालको शुभकामना दिएका थिए । उनले मुख्यमन्त्री रावललाई जनताको पक्षमा राम्रा काम गर्न पनि आग्रह गरे ।